O salón Galisenior, que se celebrará os días 14 e 15 de maio en Expourense, contará coa presenza dos doce centros da fundación NovacaixaGalicia. Os usuarios destes centros poderán gozar dunha ampla variedade de actividades e obradoiros que promoven unha vida activa e saudable e entre as que destacan obradoiros de risoterapia, tai chi, novas tecnoloxías ou mindfulness (un termo que fai referencia á aplicacións terapúeticas para persoas que sofren enfermidades psicolóxicas). Estas actividades están abertas a todos os visitantes de Galisenior.

A Fundación NovacaixaGalicia contará cun stand á entrada do recinto que acollerá distintas actividades permanentes coma unha tenda solidaria, Masaxes faciais , de máns e manicura, degustacións de productos alimenticios preparados con Thermomix, traballos manuais para levar, e unha exposición nomeada “Por fin es Maior”.

A Fundación Novacaixagalicia, entidade integrada no comité asesor de Galisenior, apostou sempre, entre as prioridades da súa Obra Social, pola atención ao colectivo de persoas maiores, por medio de programas innovadores e en permanente evolución. Estes desenvolvense nos doce centros da fundación repartidos por toda a xeografía galega, unha comunidade que presenta un índice de envellecemento cinco puntos por riba do resto de España. As actuais liñas de traballo da fundación neste campo son o envellecemento activo e a promoción de a autonomía persoal a través dunha lista de servizos que se programan dende a propia rede de centros. No que se refire á investigación e formación xerontolóxica, a fundación promove plans de formación e accións de reciclaxe profesional para garantir a calidade na atención social e sanitaria dos nosos maiores e tamén edita publicacións sobre dependencia, envellecimento activo e estimulación cognitiva. Ao mesmo tempo, a Fundación Novacaixagalicia traballa realizando unha intensa labor de apoio ás iniciativas promovidas polas organizacións públicas e ONL, de tal xeito que poidan levar a cabo os seus obxectivos en materia de asistencia sociosanitaria o que lle permite chegar a todolos rincóns da xeografía galega, complementando, así, as iniciativas propias.